മലപ്പുറം: മലപ്പുറം അഴിഞ്ഞിലത്ത് 510 ഗ്രാം എംഡിഎംഎയുമായി യുവാവ് പിടിയില്. കാളികാവ് സ്വദേശി മുഹമ്മദ് ഷഫീഖ് ആണ് അറസ്റ്റിലായത്. രണ്ടു നടിമാര്ക്ക് നല്കാനാണ് മയക്കുമരുന്ന് എത്തിച്ചതെന്നാണ് ഇയാള് പൊലീസിന് നല്കിയ മൊഴി.ജിതിന് എന്ന പേരില് ഒരാളാണ് തന്നോട് വിളിച്ചു പറഞ്ഞത് എന്നും ഏതൊക്കെ നടിമാരാണ് വാങ്ങുന്നതെന്ന് തനിക്കും അറിയില്ലെന്നും പ്രതി പറഞ്ഞു.
ഇന്നലെ രാത്രി അഴിഞ്ഞിലത്തെ പഞ്ചനക്ഷത്ര ഹോട്ടലിന്റെ കാര്പാര്ക്കിങ്ങ് ഏരിയയില് നിന്നാണ് ഷെഫീഖ് പിടിയിലാകുന്നത്. രഹസ്യവിവരത്തിന്റെ അടിസ്ഥാനത്തിലാണ് പ്രതിയെ പിടികൂടുന്നത്.
വിദേശത്തു നിന്നു വന്നയാളാണ് മയക്കുമരുന്ന് നടിമാരെ ഏല്പ്പിക്കാന് ആവശ്യപ്പെട്ട് നല്കിയത്. നടിമാര് ആരാണെന്ന് അറിയില്ലെന്നും, കൂടുതലൊന്നും തന്നോട് വെളിപ്പെടുത്തിയില്ലെന്നുമാണ് ഷെഫീഖ് പൊലീസിനോട് പറഞ്ഞത്.
ഷെഫീഖിന്റെ മൊഴിയില് എത്രമാത്രം വസ്തുതയുണ്ടെന്നുള്ളതും, നടിമാര് ആരാണെന്നുമടക്കമുള്ള വിവരങ്ങള് അന്വേഷിച്ചു വരികയാണെന്ന് പൊലീസ് പറഞ്ഞു.
