കൊച്ചി: ഹേമ കമ്മിറ്റിക്കെതിരെ വിമര്ശനം ഉന്നയിച്ച് ഫെഫ്ക. ജനറല് സെക്രട്ടറി ബി.ഉണ്ണികൃഷ്ണന്. ഡബ്യു.സി.സി ഒഴികെയുള്ള സംഘടനകളെയൊന്നും ഹേമ കമ്മിറ്റി വിളിക്കുകയോ വിവര ശേഖരണം നടത്തുകയോ ചെയ്തില്ലെന്നാണ് ആക്ഷേപം.
നിര്മാതാക്കളുടെ സംഘടന, അമ്മ, ഫെഫ്ക അംഗങ്ങള് എന്നിവരെല്ലാം എങ്ങനെയാണ് ഒഴിവാക്കപ്പെട്ടതെന്നും ഫെഫ്ക കൊച്ചിയില് നടത്തിയ വാര്ത്താസമ്മേളനത്തില് ചോദിച്ചു. ഫെഫ്കയിലെ ട്രേഡ് യൂണിയന് ജനറല് സെക്രട്ടറിമാരെ പോലും കമ്മിറ്റി കണ്ടില്ല. ഹേമ കമ്മിറ്റി റിപ്പോര്ട്ടില് പരമര്ശിച്ച പേരുകളും 15 അംഗ പവര് ഗ്രൂപ്പിലെ അംഗങ്ങളുടെ പേരുകളും പുറത്തുവരണം. സാക്ഷികളില് ചിലര് പ്ലാന് ചെയ്തതാണ് 15 അംഗ പവര് ഗ്രൂപ്പും മാഫിയയും. സിനിമയില് ഇത് അസാധ്യമാണ്. പവര് ഗ്രൂപ്പില് ആരൊക്കെയാണെന്നുള്ളത് നിയമപരമായി പുറത്തുവരണമെന്നും ഉണ്ണികൃഷ്ണന് ആവശ്യപ്പെട്ടു.
ലൈംഗിക അതിക്രമം സംബന്ധിച്ച രണ്ട് പരാതികളാണ് ഫെഫ്കക്ക് ലഭിച്ചത്. അത് പരിഹരിച്ചുവെന്നും ഉണ്ണികൃഷ്ണന് പറഞ്ഞു. മേക്കപ്പ് ആര്ട്ടിസ്റ്റുകളുടെ പ്രായപരിധി 35 വയസ് എന്നത് മാറ്റിയിട്ടുണ്ട്. വനിതാ പ്രാതിനിധ്യം 20 ശതമാനമായി ഉയര്ത്തണമെന്നാണ് ഫെഫ്ക തീരുമാനമെന്നും അദ്ദേഹം പറഞ്ഞു.
