തിരുവനന്തപുരം: എഡിജിപി എം ആര് അജിത് കുമാര് ആര്എസ്എസ് നേതാവുമായി നടത്തിയ കൂടിക്കാഴ്ച്ചയില് അന്വേഷണം പ്രഖ്യാപിച്ച് സര്ക്കാര്. ഡിജിപിക്കാണ് സംസ്ഥാന സര്ക്കാര് അന്വേഷണത്തിന് നിര്ദേശം നല്കിയത്. ഇത് സംബന്ധിച്ച ഉത്തരവ് പുറത്തിറക്കി.
എഡിജിപി എംആര് അജിത് കുമാര് രണ്ട് പ്രമുഖ ആര്എസ്എസ് നേതാക്കളുമായിട്ടാണ് കൂടിക്കാഴ്ച്ച നടത്തിയത്. എം വിന്സെന്റ് നല്കിയ പരാതിയും സര്ക്കാര് ഡിജിപിക്ക് കൈമാറി.
ആര്എസ്എസ് ജനറല് സെക്രട്ടറി ദത്താത്രേയ ഹൊസബാളെയുമായി കൂടിക്കാഴ്ച നടത്തിയെന്ന് എഡിജിപി സമ്മതിച്ചിരുന്നു. സ്വകാര്യ സന്ദര്ശനം ആണെന്നായിരുന്നു വിശദീകരണം.അജിത് കുമാര് ആര്എസ്എസ് നേതാവ് രാംമാധവിനെയും കണ്ടുവെന്ന് സ്പെഷ്യല് ബ്രാഞ്ച് റിപ്പോര്ട്ട് വ്യക്തമാക്കിയിരുന്നു.
