തിരുവനന്തപുരം:വയനാട് ദുരന്തത്തില് ഉറ്റവരെയും വീടും നഷ്ടമായ ശ്രുതിക്ക് സര്ക്കാര് ജോലി നല്കുമെന്ന് മുഖ്യമന്ത്രി പിണറായി വിജയന്. മുഖ്യമന്ത്രി വാര്ത്താ സമ്മേളനത്തില് അറിയിക്കുകയായിരുന്നു ഇക്കാര്യം. ഷിരൂരില് മണ്ണിടിച്ചിലിനെ തുടര്ന്ന് മരിച്ച കോഴിക്കോട് സ്വദേശി അര്ജുന്റെ കുടുംബത്തിന് 7 ലക്ഷം രൂപ ധനസഹായം നല്കുമെന്നും മുഖ്യമന്ത്രി അറിയിച്ചു.
കഴിഞ്ഞ ജൂലൈ 30നുണ്ടായ ഉരുള്പൊട്ടലിലാണ് ശ്രുതിക്ക് കുടുംബാംഗങ്ങളെയും വീടും നഷ്ടമായത്. തുടര്ന്ന് താങ്ങായി നിന്ന പ്രതിശ്രുത വരന് ജെന്സണെയും നഷ്ടമായിരുന്നു.ഉരുള്പൊട്ടലിനുശേഷം ബന്ധുവിനൊപ്പം കല്പ്പറ്റയില് കഴിയുന്ന ശ്രുതിയുടെ വിവാഹം കഴിഞ്ഞ മാസം നടത്താനിരിക്കെയായിരുന്നു വരന്റെ അപ്രതീക്ഷിത വിയോഗം.
ജൂലൈ 16നാണ് കര്ണാടകയിലെ ദേശീയപാത 66ല് ഷിരൂരില് ഉണ്ടായ മണ്ണിടിച്ചില് അര്ജുനെ കാണാതാകുന്നത്. കാണാതായി 72-ാം ദിവസമാണ് ഗംഗാവലിപ്പുഴയുടെ ആഴങ്ങളില് നിന്നും അര്ജുനെയും ലോറിയെയും കണ്ടെടുക്കുന്നത്.
