തിരുവനന്തപുരം: പതിനഞ്ചാം കേരള നിയമസഭയുടെ പന്ത്രണ്ടാം സമ്മേളനം നാളെ തുടങ്ങാനിരിക്കെ പി വി അന്വറിന്റെ സ്ഥാനം മാറ്റം ഉള്പ്പെടെയുള്ള ചോദ്യങ്ങളോട് പ്രതികരിച്ച് സ്പീക്കര് എ എന് ഷംസീര്. അന്വറിന് നിലത്തിരിക്കേണ്ടി വരുമെന്ന ആക്ഷേപത്തെ ചിരിച്ചു തള്ളിയ സ്പീക്കര് സഭയില് 250 പേര്ക്ക് ഇരിക്കാന് ഇരിപ്പിടമുള്ളപ്പോള് എന്തിന് നിലത്തിരിക്കണമെന്നും ചോദിച്ചു.
അന്വറിന്റെ ആരോപണങ്ങളിലും ദി ഹിന്ദു പത്രത്തിലെ അഭിമുഖ വിവാദത്തിലും മുഖ്യമന്ത്രിയെ പിന്തുണക്കുന്ന നിലപാടാണ് സ്പീക്കര് സ്വീകരിച്ചത്. മുഖ്യമന്ത്രി ഏതെങ്കിലും ജില്ലയേയോ ഏതെങ്കിലും മതവിഭാഗത്തേയോ മനപൂര്വം ടാര്ജെറ്റ് ചെയ്യുന്നതായി വിശ്വസിക്കുന്നില്ലെന്നും സ്പീക്കര് പറഞ്ഞു. നിയമസഭയില് ഏതെങ്കിലും ചോദ്യങ്ങള് മനപൂര്വം ഒഴിവാക്കിയിട്ടില്ലെന്ന് സ്പീക്കര് പറഞ്ഞു.
