കൊച്ചി: ബലാത്സംഗക്കേസില് ചോദ്യംചെയ്യലിന് ഹാജരാകാമെന്ന് അന്വേഷണസംഘത്തെ അറിയിച്ച് നടന് സിദ്ധിഖ്. അഭിഭാഷകന് മുഖേന മെയില് വഴിയാണ് സിദ്ധിഖ് പ്രത്യേക അന്വേഷണസംഘത്തെ ഇക്കാര്യം അറിയിച്ചിരിക്കുന്നത്. മുന്കൂര് ജാമ്യാപേക്ഷ സുപ്രീംകോടതി മാറ്റിവെച്ച പശ്ചാത്തലത്തിലാണ് പുതിയ നീക്കം.
നേരത്തെ, സുപ്രീം കോടതിയുടെ പരിഗണനയില് മുന്കൂര് ജാമ്യാപേക്ഷ നിലനില്ക്കുന്നതിനാല് നോട്ടീസ് നല്കുന്നതില് പൊലീസ് തീരുമാനമെടുത്തിരുന്നില്ല. ഈ സാഹചര്യത്തിലാണ് ഹാജരാകാന് തയാറാണെന്ന് സിദ്ദിഖ് തന്നെ അറിയിച്ചത്. ഇത് സിദ്ദിഖിന്റെ തന്ത്രപരമായ നീക്കമായാണ് അന്വേഷണ സംഘം വിലയിരുത്തുന്നത്. തിരുവനന്തപുരത്തെ ഹോട്ടലില് വെച്ച് അവസരം വാഗ്ദാനം ചെയ്ത് സിദ്ധിഖ് പീഡിപ്പിച്ചെന്ന് യുവതിയുടെ പരാതിയിലാണ് സിദ്ദീഖിനെതിരെ ബലാത്സംഗത്തിന് കേസെടുത്തത്.
