കൊച്ചി: ഗുണ്ടാ നേതാവ് ഓംപ്രകാശ് പ്രതിയായ ലഹരി ഇടപാട് കേസില് ശ്രീനാഥ് ഭാസിക്കെതിരെ കൂടുതല് അന്വേഷണം. കേസില് അറസ്റ്റിലായ ബിനു ജോസഫുമായി ശ്രീനാഥ് ഭാസിക്ക് സാമ്പത്തിക ഇടപാടുകളുണ്ടെന്ന് കണ്ടെത്തിയതിനെ തുടര്ന്നാണ് അന്വേഷണം വ്യാപിപ്പിക്കുന്നത്. ശ്രീനാഥ് ഭാസിയുടെ മൊഴിയിലെ വൈരുദ്ധ്യവും പൊലീസ് പരിശോധിക്കും. ശ്രീനാഥ് ഭാസിയേയും പ്രയാഗ മാര്ട്ടിനേയും കൊച്ചിയിലെ ഹോട്ടലില് എത്തിച്ചത് എളമക്ക സ്വദേശിയായ ബിനു ജോസഫാണെന്ന് പൊലീസ് കണ്ടെത്തിയിരുന്നു.
കേസില് നടി പ്രയാഗ മാര്ട്ടിന് പൊലീസ് ക്ലീന് ചിറ്റ് നല്കിയേക്കും. ഇരുവര്ക്കും ഓം പ്രകാശുമായി നേരിട്ട് ബന്ധമില്ലെന്നാണ് പൊലീസിന്റെ വിലയിരുത്തല്. ഇത് ഉറപ്പുവരുത്തുന്നതിനായി ഫോണ് രേഖകള് കേന്ദ്രീകരിച്ചും അന്വേഷണം നടക്കുന്നുണ്ട്.
