തിരുവനന്തപുരം: സംസ്ഥാനത്ത് മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഇന്ന് യെല്ലോ അലേര്ട്ട് ആണ്. ഈ ജില്ലകളില് ഒറ്റപ്പെട്ട ശക്തമായ മഴ ലഭിച്ചേക്കും എന്നാണ് മുന്നറിയിപ്പ്.
കേരള തീരത്ത് ഇന്നും കള്ളക്കടല് പ്രതിഭാസത്തിനു സാധ്യതയെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രത്തിന്റെ മുന്നറിയിപ്പ്. കേരളത്തിലെ എല്ലാ തീരദേശ ജില്ലകളിലും അതിതീവ്ര മുന്നറിയിപ്പ് നല്കി. ഇന്ന് വൈകുന്നേരം 5.30 വരെ ഉയര്ന്ന തിരമാലയ്ക്കും കടലാക്രമണത്തിനുമുള്ള സാധ്യതയാണ് പ്രവചിച്ചിരിക്കുന്നത്.
ഉയര്ന്ന തിരമാലക്കും കള്ളക്കടല് പ്രതിഭാസത്തിനും സാധ്യതയുള്ളതിനാല് കേരള ലക്ഷദ്വീപ് – കര്ണാടക തീരങ്ങളില് ഇന്ന് മത്സ്യബന്ധനത്തിന് ഏര്പ്പെടുത്തിയ വിലക്ക് തുടരുകയാണ്.
