കൊച്ചി: നടന് ബാല വീണ്ടും വിവാഹിതനായി. ബാലയുടെ ബന്ധു ചെന്നൈ സ്വദേശിയായ കോകിലയാണ് വധു. അടുത്ത ബന്ധുക്കളും സുഹൃത്തുക്കളും വിവാഹ ചടങ്ങില് പങ്കെടുത്തു. രാവിലെ 8.30ഓടെ എറണാകുളം കലൂര് പാവക്കുളം ക്ഷേത്രത്തില് വെച്ചായിരുന്നു വിവാഹം.
നേരത്തെ വീണ്ടും വിവാഹിതനാകുന്ന കാര്യം ബാല അറിയിച്ചിരുന്നു. എന്നാല് വധു ആരാണെന്ന് വ്യക്തമാക്കിയിട്ടുണ്ടായിരുന്നില്ല.
കരള് ട്രാന്സ്പ്ലാന്റേഷന് ശേഷം എനിക്കും ഒരു തുണ വേണമെന്ന് തോന്നി. എന്റെ സ്വന്തക്കാരി കൂടിയാകുമ്പോള് ഐ ആം കോണ്ഫിഡന്റ്. മുമ്പ് ഒരു ഇന്റര്വ്യൂയില് പറഞ്ഞിരുന്നു, ഇപ്പോള് നല്ല രീതിയില് ഭക്ഷണവും മരുന്നുമെല്ലാം കഴിക്കുന്നു. എന്റെ ആരോഗ്യനിലമാറി. നല്ല നിലയില് മുന്പോട്ട് പോകാന് സാധിക്കുന്നു. നിങ്ങള്ക്ക് മനസാല് അനുഗ്രഹിക്കാന് കഴിയുമെങ്കില് അനുഗ്രഹിക്കൂ- വിവാഹത്തിന് ശേഷം ബാല മാധ്യമങ്ങളോട് പ്രതികരിച്ചു.
