കല്പ്പറ്റ: വയനാട് ലോക്സഭാ ഉപതിരഞ്ഞെടുപ്പില് കോണ്ഗ്രസ് സ്ഥാനാര്ഥി പ്രിയങ്കാ ഗാന്ധി നാമനിര്ദേശ പത്രിക സമര്പ്പിച്ചു. അമ്മ സോണിയ ഗാന്ധി, സഹോദരന് രാഹുല് ഗാന്ധി, ഭര്ത്താവ് റോബര്ട്ട് വാദ്ര, മകന് റെയ്ഹാന് വാദ്ര, കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ, സംഘടനാ ചുമതലയുള്ള ജനറല് സെക്രട്ടറി കെ.സി വേണുഗോപാല് തുടങ്ങിയവര് പ്രിയങ്ക ഗാന്ധിക്കൊപ്പമുണ്ടായിരുന്നു.
മൂന്ന് സെറ്റ് പത്രികയാണ് പ്രിയങ്ക സമര്പ്പിച്ചത്. നാമനിര്ദേശ പത്രികാ സമര്പ്പണത്തിന് ശേഷം പ്രിയങ്കാ ഗാന്ധിയും, രാഹുല് ഗാന്ധിയും ഉരുള്പൊട്ടല് ദുരന്തത്തില് മരിച്ചവരെ സംസ്കരിച്ച പുത്തുമല സന്ദര്ശിക്കും.
രാവിലെ റോഡ് ഷോയ്ക്കും ജനങ്ങളെ അഭിസംബോധന ചെയ്തതിനും ശേഷമാണ് പ്രിയങ്ക കളക്ടറേറ്റിലെത്തിയത്.
