തിരുവനന്തപുരം: എഡിഎം നവീന് ബാബുവിന്റെ മരണവുമായി ബന്ധപ്പെട്ട് റവന്യൂ വകുപ്പ് പ്രഖ്യാപിച്ച അന്വേഷണം പൂര്ത്തിയായി. അന്വേഷണ റിപ്പോര്ട്ട് റവന്യൂ പ്രിന്സിപ്പല് സെക്രട്ടറിക്ക് സമര്പ്പിച്ചു.
മുന് ജില്ലാ പഞ്ചായത്ത് പ്രസിഡന്റ് പി.പി ദിവ്യയുടെ വാദങ്ങള് തള്ളിയാണ് റിപ്പോര്ട്ട് സര്ക്കാരിനു സമര്പ്പിച്ചത്. നവീന് ബാബു കൈക്കൂലി വാങ്ങിയതിനു തെളിവില്ലെന്ന് കമ്മിഷണര് വ്യക്തമാക്കുന്നു. പെട്രോള് പമ്പിനുള്ള അനുമതി വൈകിപ്പിച്ചിട്ടില്ലെന്നും റിപ്പോര്ട്ടില് പറയുന്നു. ലാന്ഡ് റവന്യൂ ജോയിന്റ് കമ്മീഷണര് എ. ഗീത നടത്തിയ അന്വേഷണത്തിലാണ് റിപ്പോര്ട്ട് സമര്പ്പിച്ചത്.
നവീന് ബാബു ചെയ്തത് നിയമപരമായ നടപടികള് മാത്രമാണ്. എന്ഒസി നല്കുന്നതുമായി ബന്ധപ്പെട്ട് കൈക്കൂലി വാങ്ങിയതിന് തെളിവുകളൊന്നുമില്ല. ഫയല് വൈകിപ്പിച്ചുവെന്ന ആരോപണം തെറ്റാണ്. ആറ് ദിവസം മാത്രമാണ് പ്രസ്തുത ഫയല് നവീന് ബാബുവിന്റെ പക്കലലുണ്ടായിരുന്നത് തുടങ്ങിയ കാര്യങ്ങളാണ് അന്വേഷണത്തില് കണ്ടെത്തിയത്. പെട്രോള് പമ്പ് അനുവദിച്ചതില് ഒരു തരത്തിലും നവീന് ബാബുവിന് വീഴ്ച സംഭവിച്ചിട്ടില്ലെന്ന് റിപ്പോര്ട്ടില് പറയുന്നു.
