കണ്ണൂര്: റിമാന്ഡില് കഴിയുന്ന പി പി ദിവ്യ തലശ്ശേരി പ്രിന്സിപ്പല് സെഷന്സ് കോടതിയില് ഇന്ന് ജാമ്യാപേക്ഷ നല്കും. എ ഡി എം നവീന് ബാബുവിന്റെ മരണത്തില് ജുഡീഷ്യല് കസ്റ്റഡിയിലായതിന് പിന്നാലെയാണ് പി പി ദിവ്യയുടെ ജാമ്യാപേക്ഷ. 14 ദിവസത്തേക്കാണ് പി.പി ദിവ്യയെ കസ്റ്റഡിയില് വിട്ടത്. ദിവ്യ പള്ളിക്കുന്നിലെ വനിതാ ജയിലിലാണ്.
പിപി ദിവ്യയുടെ ജാമ്യാപേക്ഷയെ എതിര്ത്ത് നവീന് ബാബുവിന്റെ കുടുംബം കക്ഷിചേരും.. പി.പി ദിവ്യയ്ക്ക് ജാമ്യം അനുവദിക്കരുത് എന്ന് ആവശ്യപ്പെട്ടുകൊണ്ടായിരിക്കും നവീന് ബാബുവിന്റെ ഭാര്യ മഞ്ജുഷ കക്ഷിചേരുക.
