കൊച്ചി: ലൈംഗികാതിക്രമക്കേസില് നടനും സംവിധായകനുമായ ബാലചന്ദ്രമേനോന് മുന്കൂര് ജാമ്യം അനുവദിച്ച് ഹൈക്കോടതി. നവംബര് 21 വരെയാണ് ഇടക്കാല മുന്കൂര് ജാമ്യം അനുവദിച്ചിരിക്കുന്നത്.
ആലുവ സ്വദേശിയായ നടിയുടെ പരാതിയിലെടുത്ത കേസിലാണ് നടന് മുന്കൂര് ജാമ്യം അനുവദിച്ചത്. ഷൂട്ടിങ് സെറ്റില്വെച്ച് ലൈംഗികാതിക്രമം നടത്തിയെന്നാണ് നടിയുടെ പരാതി
2007ല് ‘ദേ ഇങ്ങോട്ട് നോക്കിയേ’ എന്ന സിനിമയുടെ ചിത്രീകരണത്തിനിടെ പീഡിപ്പിച്ചെന്നാണ് പരാതി.
അതേസമയം, തന്നെ അപകീര്ത്തിപ്പെടുത്തുക എന്ന ലക്ഷ്യത്തോടെയാണ് പീഡനാരോപണമെന്നായിരുന്നു ബാലചന്ദ്രമേനോന് പ്രതികരിച്ചിരുന്നത്.
