തൃശൂര്: കൊടകര കുഴല്പ്പണ കേസുമായി ബന്ധപ്പെട്ട വെളിപ്പെടുത്തല് നടത്തിയ ബി.ജെ.പി മുന് ഓഫിസ് സെക്രട്ടറി തിരൂര് സതീശന്റെ മൊഴി ഇന്ന് രേഖപ്പെടുത്തും. തുടരന്വേഷണം സംബന്ധിച്ച ആഭ്യന്തരവകുപ്പിന്റെ ഉത്തരവും ഇന്നുണ്ടായേക്കുമെന്നാണ് വിവരം.
ഡിവൈ.എ.സ്.പി രാജുവിന്റെ നേതൃത്വത്തിലുള്ള സംഘത്തെയാണ് അന്വേഷണത്തിന് നിയോഗിച്ചിട്ടുള്ളത്.നിലവില് കവര്ച്ച സംബന്ധിച്ച അന്വേഷണമാണ് പൊലീസ് പൂര്ത്തീകരിച്ചിരിക്കുന്നത്. സാമ്പത്തിക ഇടപാടുകള് സംബന്ധിച്ച അന്വേഷണം പൊലീസിന് സാധ്യമാകില്ല. പബ്ലിക് മണി ലോണ്ടറിങ് ആക്ട് പ്രകാരമാണ് പ്രധാനമായും അന്വേഷണം നടക്കേണ്ടത്. കേന്ദ്ര ഏജന്സികളുടെ അന്വേഷണമാണ് കൊടകര കുഴല്പ്പണ കേസില് ഇനി നടക്കേണ്ടത്.
കേസ് അന്വേഷണം സംബന്ധിച്ച റിപ്പോര്ട്ട് ഇഡിക്ക് കൈമാറിയിരുന്നെങ്കിലും തുടര്നടപടികള് ഉണ്ടായില്ല. ആഭ്യന്തരവകുപ്പിന്റെ ഉത്തരവ് ഇറങ്ങിയാല് കോടതിയെ സമീപിച്ച് തുടര്നടപടികളിലേക്ക് കടക്കാനാണ് അന്വേഷണസംഘത്തിന്റെ തീരുമാനം.
