കൊച്ചി: കൊച്ചിയില് നടിയെ ആക്രമിച്ച കേസില് രണ്ട് ഫൊറന്സിക് വിദഗ്ധരെ വീണ്ടും വിസ്തരിക്കണമെന്ന പള്സര് സുനിയുടെ ആവശ്യം തള്ളി. ബാലിശമായ വാദമെന്ന് പറഞ്ഞാണ് ഹൈക്കോടതി പള്സര് സുനിയുടെ ആവശ്യം തള്ളിയത്. സാക്ഷികളെ വീണ്ടും വിസ്തരിക്കേണ്ടത് അനിവാര്യമായ നടപടിയല്ലെന്ന് ഹൈക്കോടതി ചൂണ്ടിക്കാട്ടി. വീണ്ടും വിസ്താരം നടത്തുന്നത് കേസിന്റെ വിചാരണ വൈകാന് ഇടയാക്കുമെന്നും നിരീക്ഷിച്ച് കൊണ്ടാണ് കോടതി ഉത്തരവ്.
ജസ്റ്റിസ് സി ജയചന്ദ്രന് അധ്യക്ഷനായ സിംഗിള് ബെഞ്ചാണ് പള്സര് സുനിയുടെ ആവശ്യം തള്ളിയത്.
സാമ്പിളുകള് ശേഖരിച്ച ഡോക്ടര്, ഫൊറന്സിക് ലബോറട്ടറി അസിസ്റ്റന്റ് ഡയറക്ടര് എന്നിവരെ വീണ്ടും വിസ്തരിക്കണം എന്നായിരുന്നു പള്സര് സുനിയുടെ ആവശ്യം.
