കൊച്ചി: വലതുപക്ഷ നിരീക്ഷകന് രാഹുല് ഈശ്വരനെതിരെ വിമര്ശനവുമായി നടി ഹണി റോസ്. സ്ത്രീകളുടെ പ്രശ്നങ്ങള് അസാമാന്യമായ ഭാഷാനിയന്ത്രണം കൊണ്ട് രാഹുല് ഈശ്വര് നിര്വീര്യമാക്കുമെന്ന് ഹണി റോസ് പറഞ്ഞു. ഫേസ്ബുക്കില് പങ്കുവെച്ച കുറിപ്പിലൂടെയാണ് ഹണി റോസിന്റെ പ്രതികരണം.
ഫേസ്ബുക്ക് പോസ്റ്റിന്റെ പൂര്ണരൂപം ;
ശ്രീ രാഹുല് ഈശ്വര്,
താങ്കളുടെ ഭാഷയുടെ മുകളിലുള്ള നിയന്ത്രണം കേമമാണ്. ഒരു വിഷയത്തില് ചര്ച്ച നടക്കുമ്പോള് രണ്ടു ഭാഗവും ഉണ്ടെങ്കിലേ ചര്ച്ചക്ക് പ്രസക്തി ഉള്ളു.അതുകൊണ്ട് തന്നെ രാഹുലുണ്ടെങ്കില് ഒരു പക്ഷത്ത് അതിമനോഹരമായ ഭാഷാനിയന്ത്രണത്തോടെ രാഹുല് നില്ക്കും.
‘ചര്ച്ചകള്ക്ക് രാഹുല് ഈശ്വര് എന്നും ഒരു മുതല്ക്കൂട്ടാണ്. സ്ത്രീകള് എത്ര വലിയ പ്രശ്നം അഡ്രസ് ചെയ്താലും രാഹുല് ഈശ്വര് ഉണ്ടെങ്കില് അസാമാന്യ ഭാഷാജ്ഞാനം കൊണ്ടും ഭാഷാനിയന്ത്രണം കൊണ്ടും സ്ത്രീകള് അഡ്രസ് ചെയ്യുന്ന പ്രശ്നങ്ങളെ നിര്വീര്യമാക്കും.
പക്ഷെ തന്ത്രികുടുംബത്തില് പെട്ട രാഹുല് ഈശ്വര് ക്ഷേത്രത്തിലെ പൂജാരി ആവാതിരുന്നത് നന്നായി. പൂജാരി ആയിരുന്നുവെങ്കില് ക്ഷേത്രത്തില് വരുന്ന സ്ത്രീകള്ക്ക് അദ്ദേഹം ഒരു ഡ്രസ്സ് കോഡ് ഉണ്ടാക്കിയേനെ.കാരണം സ്ത്രീകളെ ഏത് വേഷത്തില് കണ്ടാലാണ് അദ്ദേഹത്തിന്റെ നിയന്ത്രണം പോകുന്നത് എന്നറിയില്ലല്ലോ. ഭാഷയുടെ കാര്യത്തിലുള്ള നിയന്ത്രണം അദ്ദേഹത്തിന് സ്ത്രീകളുടെ വസ്ത്രധാരണം കാണുമ്പോള് ഇല്ല എന്നാണ് എനിക്ക് മനസിലായത്.
എപ്പോഴെങ്കിലും താങ്കളുടെ മുന്നില് വരേണ്ടിവന്നാല് ഞാന് ശ്രദ്ധിച്ചു കൊള്ളാമെന്നും ഹണി റോസ് കുറിപ്പില് പറയുന്നു.
