തിരുവനന്തപുരം: മതം അടിസ്ഥാനമാക്കി സിവില് സര്വീസ് ഉദ്യോഗസ്ഥരുടെ വാട്സാപ്പ് ഗ്രൂപ്പുണ്ടാക്കിയെന്ന ആരോപണം നേരിട്ട വ്യവസായ വകുപ്പ് ഡയറക്ടര് കെ. ഗോപാലകൃഷ്ണന്റെ സസ്പെന്ഷന് സര്ക്കാര് പിന്വലിച്ചു.
വകുപ്പുതല അന്വേഷണത്തില് ഗോപാലകൃഷ്ണനെതിരെ കുറ്റം തെളിയിക്കാനായില്ലെന്നാണ് കണ്ടെത്തല്. കഴിഞ്ഞ ദിവസം ചീഫ് സെക്രട്ടറി ശാരദാ മുരളീധരനും ആഭ്യന്തര സെക്രട്ടറിയും പങ്കെടുത്ത സസ്പെന്ഷന് റിവ്യൂ സമിതി യോഗം ഇതു സംബന്ധിച്ച ശുപാര്ശ മുഖ്യമന്ത്രിക്ക് കൈമാറിയിരുന്നു.
ഗോപാലകൃഷ്ണന്റെ വിശദീകരണം അച്ചടക്ക പുനഃപരിശോധന സമിതി അംഗീകരിച്ചു. സസ്പെന്ഷന് തുടരേണ്ടതില്ലെന്ന് കമ്മിറ്റി ശുപാര്ശ ചെയ്തു. കെ.ഗോപാലകൃഷ്ണന് പുതിയ ചുമതല നല്കും.
കഴിഞ്ഞ ഒക്ടോബര് 31ന് ഗോപാലകൃഷ്ണന് അഡ്മിന് ആയി ആദ്യം ‘മല്ലു ഹിന്ദു ഓഫിസേഴ്സ്’ ഗ്രൂപ്പും പിന്നീട് മുസ്ലിം ഗ്രൂപ്പും രൂപീകരിച്ചത്? പുറത്തുവന്നതിനെതുടര്ന്ന് നടന്ന അന്വേഷണത്തിലാണ് അദ്ദേഹത്തെ സസ്പെന്ഡ് ചെയ്തത്.
