കോട്ടയം: ഇ.പി ജയരാജന്റെ പേരിലുള്ള പുസ്തക വിവാദത്തില് ഡിസി ബുക്സ് മുന് പബ്ലിക്കേഷന് മാനേജര് എ.വി ശ്രീകുമാറിനെ അറസ്റ്റ് രേഖപ്പെടുത്തി വിട്ടയച്ചു. മുന്കൂര് ജാമ്യം ലഭിച്ചതിനാലാണ് കോട്ടയം ഈസ്റ്റ് പൊലീസ് അറസ്റ്റ് ചെയ്ത് വിട്ടയച്ചത്. ശ്രീകുമാറില് നിന്നാണ് ആത്മകഥ ഭാഗങ്ങള് ചോര്ന്നതെന്ന് പൊലീസ് കണ്ടെത്തിയിരുന്നു. ശ്രീകുമാറിനെ ഒന്നാം പ്രതിയാക്കി പൊലീസ് എഫ്ഐആര് രജിസ്റ്റര് ചെയ്തിരുന്നു.
ആത്മകഥാ വിവാദത്തില് തന്നെ ബലിയാടാക്കിയെന്ന് ശ്രീകുമാര് മൊഴി നല്കി. ഒരു തെറ്റും ചെയ്തിട്ടില്ല, ഏല്പ്പിച്ച ജോലികള് ഉത്തരവാദിത്തതോടെ ചെയ്യുക മാത്രമാണ് ചെയ്തതെന്നും ശ്രീകുമാറിന്റെ മൊഴിയില് പറയുന്നു.
