മലപ്പുറം: മലപ്പുറം മുന് എസ്.പി എസ്. സുജിത് ദാസ് തന്നെ ബലാത്സംഗം ചെയ്തെന്ന് വീട്ടമ്മയുടെ വെളിപ്പെടുത്തല്. സ്വത്ത് തര്ക്കവുമായി ബന്ധപ്പെട്ട പരാതി നല്കാനെത്തിയ തന്നെ മലപ്പുറം മുന് എസ്.പി സുജിത് ദാസ്, പൊന്നാനി മുന് സി.ഐ വിനോദ് എന്നിവര് പീഡിപ്പിച്ചെന്നും തിരൂര് മുന് ഡിവൈ.എസ്.പി വി.വി. ബെന്നി ഉപദ്രവിച്ചെന്നുമാണ് യുവതി പറയുന്നത്. സുഹൃത്തായ കസ്റ്റംസ് ഉദ്യോഗസ്ഥര്ക്ക് വഴങ്ങിക്കൊടുക്കാന് എസ്.പി ആവശ്യപ്പെട്ടുവെന്നും പൊന്നാനി സ്വദേശിയായ യുവതി മാധ്യമങ്ങളോട് വെളിപ്പെടുത്തി.
2022ലാണ് പീഡനം നടന്നതെന്ന് പരാതിയില് പറയുന്നു. ആദ്യം പരാതി നല്കിയ പൊന്നാനി സി.ഐ വിനോദാണ് ആദ്യം വീട്ടിലെത്തി ബലാത്സംഗം ചെയ്തത്. ഈ പരാതി ഡി.വൈ.എസ്.പി ബെന്നിക്ക് കൈമാറിയെന്നും എന്നാല്, ബെന്നിയും വീട്ടിലെത്തി ഉപദ്രവിച്ചതായും ഇവര് പറയുന്നു. പരിഹാരം ഇല്ലാത്തതിനാല് മലപ്പുറം എസ്പിയെ കണ്ടുവെന്നും എന്നാല് സുജിത് ദാസും തന്നെ ബലാല്സംഗം ചെയ്യുകയായിരുന്നുവെന്നും യുവതി പറഞ്ഞു. പുറത്തുപറഞ്ഞാല് കൊന്നു കളയുമെന്ന് സുജിത് ദാസ് തന്നെ ഭീഷണിപ്പെടുത്തിയെന്നും വെളിപ്പെടുത്തലുണ്ട്.
എസ്പിയെ കുറിച്ചുള്ള വാര്ത്തകള് പുറത്തുവന്നപ്പോഴാണ് ഇക്കാര്യം വെളിപ്പെടുത്താന് തീരുമാനിച്ചതെന്നും സ്ത്രീ പറയുന്നു.
