കൊച്ചി: പ്രമുഖ നടന്മാരില് നിന്ന് മോശം അനുഭവം ഉണ്ടായെന്ന വെളിപ്പെടുത്തി നടി മിനു മുനീര്. ഫേസ് ബുക്ക് പേജിലൂടെയാണ് ആരോപണമുന്നയിച്ചിരിക്കുന്നത്. ശാരീരികമായും മാനസികമായും ഉപദ്രവിച്ചുവെന്ന് മിനു വെളിപ്പെടുത്തി. ജയസൂര്യ, മുകേഷ്, മണിയന് പിള്ള രാജു, ഇടവേള ബാബു, അഡ്വ ചന്ദ്രശേഖരന്, പ്രൊഡക്ഷന് കണ്ട്രോളര് നോബിള്, വിച്ചു എന്നിവര്ക്കെതിരേയാണ് ആരോപണം ഉന്നയിച്ചത്.
ഇവരില് നിന്ന് തനിക്ക് ശാരീരികമായും മാനസികമായും പീഡനമുണ്ടായെന്ന് മിനു മൂനീര് ആരോപിച്ചു. അമ്മയില് അംഗത്വം ലഭിക്കാന് ഇടവേള ബാബു വഴങ്ങിക്കൊടുക്കാന് ആവശ്യപ്പെട്ടുവെന്നാണ് പറഞ്ഞത്. ‘ദേ ഇങ്ങോട്ട് നോക്കിയേ’ എന്ന സിനിമയില് അഭിനയിക്കുന്ന സമയത്ത് ജയസൂര്യ ലൈംഗിക താല്പര്യത്തോടെ പെരുമാറിയെന്ന് മിനു ആരോപിച്ചു. മുകേഷ് വഴങ്ങിത്തരണമെന്ന് ആവശ്യപ്പെട്ടുവെന്നും വൃത്തികെട്ട ഭാഷയില് സംസാരിച്ചുവെന്നുമാണ് മിനു പറയുന്നത്.
അഡ്ജസ്റ്റ്മെന്റിന് തയ്യാറല്ലാത്തതിനാല് മലയാള സിനിമ മേഖല ഉപേക്ഷിക്കേണ്ടി വന്നു എന്നും മിനു പറഞ്ഞു.
