തിരുവനന്തപുരം: കണ്ണൂര് എഡിഎം നവീന് ബാബുവിന്റെ മരണം അന്വേഷിക്കാന് പ്രത്യേക സംഘം. കണ്ണൂര് സിറ്റി പോലീസ് കമ്മീഷണര് അജിത് കുമാറിന്റെ നേതൃത്വത്തിലുള്ള ആറംഗസംഘമാണ് കേസന്വേഷിക്കുക. കണ്ണൂര് റേഞ്ച് ഡിഐജിക്കാണ് മേല്നോട്ട ചുമതല. ഓരോ രണ്ടാഴ്ച്ചയിലും അന്വേഷണ പുരോഗതി റിപ്പോര്ട്ട് നല്കാന് നിര്ദേശമുണ്ട്.
പെട്രോള് പമ്പിന് അംഗീകാരം നല്കുന്നതുമായി ബന്ധപ്പെട്ട് നവീന് ബാബു കൈക്കൂലി വാങ്ങിയെന്നായിരുന്നു നവീന് ബാബുവിന്റെ യാത്രയയപ്പ് ചടങ്ങില് കണ്ണൂര് ജില്ലാ പഞ്ചായത്ത് പ്രസിഡന്റ് പി.പി ദിവ്യ ഉന്നയിച്ചത്.പിന്നാലെയാണ് നവീന് ബാബുവിനെ മരിച്ച നിലയില് കണ്ടെത്തിയത്.
