തിരുവനന്തപുരം: പെരിയ ഇരട്ടക്കൊലക്കേസുമായി പാര്‍ട്ടിക്ക് യാതൊരു ബന്ധവുമില്ലെന്ന് സി.പി.എം നേതാവ് എ.കെ ബാലന്‍. പാര്‍ട്ടിയുടെ പിന്തുണയോട് കൂടി നടന്ന കൊലപാതകമല്ല അതെന്നും അദ്ദേഹം പറഞ്ഞു.എല്ലാം നിയമപരമായ നടപടിയെന്നും പോലീസ് മികച്ച അന്വേഷണം നടത്തിയെന്നും അദ്ദേഹം പറഞ്ഞു.
ഇതുമായി പാര്‍ട്ടിക്ക് യാതൊരു ബന്ധവുമില്ല. പാര്‍ട്ടിയുടെ പിന്തുണയോട് കൂടി നടന്ന കൊലപാതകവുമല്ല. ഇതില്‍ പ്രതികളെ നിയമത്തിന് മുന്നില്‍ കൊണ്ടുവരുന്നതിന് ശക്തമായ നിലപാടാണ് പൊലീസ് തുടക്കം മുതല്‍ എടുത്തിട്ടുള്ളത്. ആ അന്വേഷണത്തിന്റെ ഭാഗമായി തന്നെയാണ് സി.ബി.ഐയും കാര്യങ്ങള്‍ മുന്നോട്ടുനീക്കിയിട്ടുള്ളത്. യഥാര്‍ത്ഥത്തില്‍ കേരള പൊലീസ് കാണിച്ചിട്ടുള്ള ഏറ്റവും ശക്തമായ അന്വേഷണത്തിന്റെ തുടര്‍ച്ചയാണ് സി.ബി.ഐ നടത്തിയത് എ.കെ. ബാലന്‍ പറഞ്ഞു.
