മലപ്പുറം: പ്രതിപക്ഷ നേതാവ് വി ഡി സതീശനെതിരെ പി വി അന്വര്.തന്നെ പ്രകോപിപ്പിക്കാനാണ് സതീശന്റെ ശ്രമം. കോണ്ഗ്രസ് തീരുമാനം പറയേണ്ടത് കെപിസിസി പ്രസിഡന്റാണെന്നും പ്രതിപക്ഷ നേതാവല്ലെന്നും അന്വര് വാര്ത്താസമ്മേളനത്തില് പറഞ്ഞു.
പ്രതിപക്ഷ നേതാവിന്റെ അഹങ്കാരത്തിന് വലിയ വില നല്കേണ്ടി വരുമെന്നും അന്വര് പറഞ്ഞു.. ഇവിടത്തെ ജനങ്ങള്ക്ക് എല്ലാം മനസിലാകുന്നുണ്ട്.
രാഹുല് മാങ്കൂട്ടത്തിലിനെ സ്ഥാനാര്ത്ഥിയാക്കിയത് ചിലരുടെ മാത്രം തീരുമാനം ആണെന്നും അന്വര് കുറ്റപ്പെടുത്തി. രാഹുല് മാങ്കൂട്ടത്തില് പരാജയപ്പെടുമെന്ന് ഇപ്പോള് കോണ്ഗ്രസിന് മനസിലായി. ഡിഎംകെ മത്സരിച്ചത് കൊണ്ട് പാലക്കാട് ബിജെപി ജയിച്ചു എന്ന് വരുത്താന് ആരും ശ്രമിക്കണ്ട. പാലക്കാട് കോണ്ഗ്രസിലെയും സിപിഎമ്മിലെയും വലിയൊരു വോട്ട് ബിജെപിക്ക് പോകുമെന്നും പി വി അന്വര് കൂട്ടിച്ചേര്ത്തു.
പാലക്കാട് സ്ഥാനാര്ത്ഥിയെ പിന്വലിക്കുന്നത് സംബന്ധിച്ച് ബുധനാഴ്ച തീരുമാനമെടുക്കും. ചേലക്കരയിലെ സ്ഥാനാര്ത്ഥിയെ പിന്വലിക്കില്ലെന്നും അന്വര് വ്യക്തമാക്കി.
