കോഴിക്കോട്: സൈബര് ആക്രമണത്തിനെതിരെ പരാതി നല്കി ഷിരൂരിലെ മണ്ണിടിച്ചിലില് മരിച്ച അര്ജുന്റെ കുടുംബം. സിറ്റി പൊലീസ് കമ്മീഷണര്ക്കാണ് പരാതി നല്കിയത്. അര്ജുന്റെ സഹോദരി അഞ്ജുവാണ് പരാതി നല്കിയത്. കഴിഞ്ഞ ദിവസം മനാഫിനെതിരെ നടത്തിയ വാര്ത്താ സമ്മേളനത്തിന് പിന്നാലെ കുടുംബത്തിന് നേരെ സൈബര് ആക്രമണം ശക്തമായിരുന്നു.
മനാഫ് തങ്ങളെ വൈകാരികമായി മാര്ക്കറ്റ് ചെയ്യുകയാണെന്നായിരുന്നു കഴിഞ്ഞ ദിവസം അര്ജുന്റെ സഹോദരീ ഭര്ത്താവ് ജിതിന് ആരോപിച്ചത്. മനാഫ് മാധ്യമങ്ങള്ക്ക് മുന്നില് കള്ളം പറയുകയാണെന്നും ഫണ്ട് സ്വരൂപിക്കുന്നതുമായി ബന്ധപ്പെട്ട് ആളുകളെ കബളിപ്പിക്കുകയാണെന്നും അദ്ദേഹം പറഞ്ഞിരുന്നു.
