കണ്ണൂര്: നവീന് ബാബുവിന്റെ മരണത്തില് ഒളിവില് കഴിയുന്ന പി.പി ദിവ്യ കഴിഞ്ഞദിവസം രാത്രി രക്തസമ്മര്ദ്ദം ഉയര്ന്നതിനെ തുടര്ന്ന് ചികിത്സ തേടി. പയ്യന്നൂര് സഹകരണ ആശുപത്രിയിലാണ് ചികിത്സ തേടിയത്. അരമണിക്കൂറോളം ദിവ്യ ആശുപത്രിയില് ഉണ്ടായിരുന്നു.
പി.പി ദിവ്യ നല്കിയ മുന്കൂര് ജാമ്യ ഹര്ജിയില് ഇന്ന് തലശ്ശേരി ജില്ലാ സെഷന്സ് കോടതി വിധി പറയും. അഡീഷണല് ജില്ലാ മജിസ്ട്രേട്ട് കെ. നവീന് ബാബുവിന്റെ മരണത്തില് ആത്മഹത്യാപ്രേരണക്കുറ്റം ചുമത്തിയതോടെയാണ് ദിവ്യ മുന്കൂര് ജാമ്യാപേക്ഷ നല്കിയത്.
