കൊച്ചി: ചേന്ദമംഗലത്ത് ഒരു കുടുംബത്തിലെ മൂന്നുപേരെ അടിച്ചുകൊലപ്പെടുത്തിയ കേസിലെ പ്രതിയായ ഋതു ജയന്റെ വീട് നാട്ടുകാര് അടിച്ചുതകര്ത്തു. സംഭവത്തില് രണ്ടു പേരെ പൊലീസ് പിടികൂടി.
സ്ഥലത്ത് പൊലീസ് സുരക്ഷ ഏര്പ്പെടുത്തി. നാട്ടുകാരെ പൊലീസെത്തി സ്ഥലത്ത് നിന്ന് മാറ്റി.
വീടിന്റെ മുന്വശത്തെ സിറ്റ്ഔട്ട് അടിച്ചുതകര്ക്കുകയും വീട്ടിലെ കസേര ഉള്പ്പെടെയുള്ള സാധനങ്ങള് തകര്ക്കുകയും ചെയ്തിട്ടുണ്ട്. വീടിന്റെ ജനല് ചില്ലുകളും പൂര്ണമായും അടിച്ചുതകര്ത്തിട്ടുണ്ട്. സിസിടിവി ദൃശ്യങ്ങള് ഉള്പ്പെടെ പരിശോധിച്ച പൊലീസ് രണ്ടുപേരെ കസ്റ്റഡിയിലെടുക്കുകയായിരുന്നു.
