തിരുവനന്തപുരം:സ്വര്ണക്കടത്ത്, ഹവാല പണം പിടിച്ചതിലുള്ള അസ്വസ്ഥതയാണ് ഇപ്പോഴത്തെ അന്വറിന്റെ ആരോപണങ്ങള്ക്ക് പിന്നിലെന്ന് മുഖ്യമന്ത്രി പറഞ്ഞു.അഞ്ചു വര്ഷത്തിനിടെ മലപ്പുറത്ത് കോടികളുടെ സ്വര്ണവും ഹവാല പണവും പോലീസ് പിടികൂടിയെന്നും മുഖ്യമന്ത്രി പറഞ്ഞു. ഈ പണം സംസ്ഥാന വിരുദ്ധ, രാജ്യ വിരുദ്ധ പ്രവര്ത്തനങ്ങള്ക്കാണ് ഉപയോഗിക്കുന്നതെന്നും മുഖ്യമന്ത്രി പ്രതികരിച്ചു. ‘ദ ഹിന്ദുവിന’ നല്കിയ അഭിമുഖത്തിലാണ് മുഖ്യമന്ത്രി ഇക്കാര്യങ്ങള് പറഞ്ഞത്.
പ്രതിപക്ഷം മാത്രമല്ല, ആര്എസ്എസ് ഉള്പ്പെടെ സമൂഹത്തെ ഭിന്നിപ്പിക്കാന് ലക്ഷ്യമിടുന്നവര് കമ്മ്യൂണിസ്റ്റ് പ്രസ്ഥാനത്തെയും സര്ക്കാരിനേയും ആക്രമിക്കുകയാണെന്ന് മുഖ്യമന്ത്രി പറഞ്ഞു.
ഇടതുപക്ഷം, പ്രത്യേകിച്ച് സിപിഎം എന്നും ആര്എസ്എസിനെയും മറ്റ് ഹിന്ദുത്വ ശക്തികളെയും ശക്തമായി എതിര്ത്തിട്ടുണ്ട്. ഞങ്ങളുടെ സഖാക്കളില് പലര്ക്കും അവര്ക്കെതിരെ നിലയുറപ്പിച്ചതിന്റെ പേരില് ജീവന് നഷ്ടപ്പെട്ടിട്ടുണ്ട്. കേരളത്തില് ആര്ക്കും ഈ കള്ളക്കഥകള് വിശ്വസിക്കാന് കഴിയില്ല. ഇത്തരം ആരോപണങ്ങള് ഉന്നയിക്കപ്പെടുന്നതിന്റെ കാരണങ്ങള് നാം മനസ്സിലാക്കണം,മുഖ്യമന്ത്രി പറഞ്ഞു.
