അമൃത സുരേഷ് തന്റെ മകളെ കാണിക്കാന് തയ്യാറാകുന്നില്ലെന്നും തന്റെ മകളെ തന്നില് നിന്നും അകറ്റുകയാണെന്നും നടന് ബാല പല അഭിമുഖങ്ങളിലും പറഞ്ഞതിനെതിരെ മറുപടിയുമായി മകള്. ഇന്സ്റ്റഗ്രാമില് പങ്കുവെച്ച വീഡിയോയില് പറയുന്നത് ഇങ്ങനെ.
‘എന്റെ അമ്മയേയും ആന്റിയേയും അമ്മാമ്മയേയും ബാധിക്കുന്ന ഒരു പ്രധാന വിഷയത്തെ കുറിച്ചാണ് ഞാന് സംസാരിക്കുന്നത്. ഇതിനെ കുറിച്ച് സംസാരിക്കാന് പോലും സത്യത്തില് എനിക്ക് താത്പര്യമില്ല. പക്ഷേ എന്റെ കുടുംബം വിഷമിക്കുന്നത് കണ്ട് ഞാന് മടുത്തു. അത് മാത്രവുമല്ല എന്നേയും ഇത് വളരെ അധികം ബാധിക്കുന്നുണ്ട്. എന്നേയും എന്റെ അമ്മയെ കുറിച്ചും തെറ്റായ വാര്ത്തകള് വന്നുകൊണ്ടിരിക്കുകയാണ്. സ്കൂളില് പോകുമ്പോള് കൂട്ടുകാര് ഇത് സത്യമാണോ ശരിക്കും ഇതൊക്കെ നടന്നതാണോ എന്നൊക്കെ ചോദിക്കും. എല്ലാവരും കരുതുന്നത് ഞാനും എന്റെ അമ്മയും മോശമാണെന്നാണ്. എന്നാല് അതല്ല സത്യം.അദ്ദേഹം പല അഭിമുഖത്തിലും പറയുന്നുണ്ട് എന്നെ ഇഷ്ടമാണ്, എന്നെ ഭയങ്കര മിസ് ചെയ്തു, എനിക്ക് ഗിഫ്റ്റൊക്കെ അയക്കാറുണ്ടെന്നൊക്കെ. ഇതൊന്നും ശരിയല്ല. എന്റെ അച്ഛനെ സ്നേഹിക്കാന് എനിക്കൊരു കാരണം പോലുമില്ല. അത്രയും എന്നേയും എന്റെ കുടുംബത്തേയും മാനസികമായും ശാരീരികമായും ദ്രോഹിച്ചിട്ടുണ്ട്. ഞാന് കുഞ്ഞായിരുന്നപ്പോള് അദ്ദേഹം കുടിച്ച് വന്നിട്ട് അമ്മയെ ഉപദ്രവിക്കുമായിരുന്നു. ഞാനും അത് കണ്ട ഒരുപാട് വിഷമിച്ചിട്ടുണ്ട്.
എന്റെ അമ്മ എന്നെ വളരെ നന്നായി നോക്കുന്നുണ്ട്. ഒറ്റക്കാര്യത്തിന് പോലും തല്ലിയിട്ടില്ല. അച്ഛന് അമ്മയെ ഭയങ്കരമായി ദ്രോഹിച്ചിട്ടുണ്ട്. ഇപ്പോഴും ഞാന് ഓര്ക്കുന്നുണ്ട്, ഒരു തവണ അദ്ദേഹം വളരെ അധികം മദ്യപിച്ച് വന്നിട്ട് ഒരു ഗ്ലാസ് കുപ്പി എറിഞ്ഞു. എന്റെ അമ്മ അത് തടുത്തത് കൊണ്ട് ഞാന് രക്ഷപ്പെട്ടു. ഒരു തവണ കോടതിയില് നിന്ന് എന്നെ വലിച്ചിഴച്ച് ചെന്നൈയിലേക്ക് കൊണ്ടുപോയിട്ടുണ്ട്. ഒരു മുറിയില് പൂട്ടിയിട്ട് എന്റെ അമ്മയെ വിളിക്കാന് പോലും സമ്മതിച്ചില്ല. ഇങ്ങനെയുള്ള ആളുകളെ വിശ്വസിക്കരുത്. അദ്ദേഹം പറയുന്നത് പച്ചക്കളളമാണ്-കുട്ടി പറഞ്ഞത്.
‘മകള്ക്ക് മറുപടിയുമയി ബാലയും രംഗത്ത് വന്നു.’നിന്നോട് തര്ക്കിക്കാന് ഞാന് ഇനിയില്ല. എന്തായാലും നീ പറഞ്ഞതില് പോസിറ്റീവായ കാര്യം പറയാം. മൈ ഫാദര് എന്ന് പറഞ്ഞല്ലോ. നീ കുഞ്ഞായിരിക്കുമ്പോഴാണ് എന്നെ വിട്ട് അകന്ന് പോയി. ഭക്ഷണം പോലും തരാതെയിരുന്നുവെന്ന് പറഞ്ഞു. നീ ജയിക്കണം. ആശുപത്രിയില് ഞാന് വയ്യാതെ കിടന്നപ്പോള് നീ മറ്റുള്ളവരുടെ നിര്ബന്ധം കാരണമാണ് വന്നതെന്ന് പറഞ്ഞിരുന്നു. നീ വന്നത് കൊണ്ടാണ് ഞാന് ജീവിതത്തിലേക്ക് തിരിച്ചുവന്നത്. നീ അന്നേ സത്യം പറഞ്ഞിരുന്നുവെങ്കില് ഇപ്പോള് ഇതൊന്നും സംസാരിക്കാന് ഞാന് ഇവിടെ ഉണ്ടാകില്ലായിരുന്നു. ഞാന് കരുതി ഞാനും നിന്റെ കുടുംബമാണെന്ന്. നിന്നെ ഞാന് സ്നേഹിക്കുന്നുവെങ്കില് ഒരിക്കലും നിന്റെ അരികിലേക്ക് വരരുത് എന്നാണ് പറഞ്ഞത്. ഇല്ല, ഇനി ഞാന് ഒരിക്കലും വരില്ല. എല്ലാ ആശംസകളും. നന്നായി പഠിക്കണം. വലിയ ആളാകണം”- ബാല പറഞ്ഞു.
