പാലക്കാട്: പാലക്കാട് ഉപതിരഞ്ഞെടുപ്പില് സ്ഥാനാര്ഥിയായി ഡി.സി.സി നിര്ദേശിച്ചത് കെ.മുരളീധരനെ. ഡി.സി.സി. പ്രസിഡന്റ് എ. തങ്കപ്പന് കെ.പി.സി.സി. നേതൃത്വത്തിന് കൊടുത്ത കത്ത് പുറത്ത്.
പാലക്കാട് മണ്ഡലത്തില് യുഡിഎഫിന്റെ വിജയം ഉറപ്പാക്കാന് കെ മുരളീധരനാണ് മറ്റാരേക്കാളും അനുയോജ്യനായ സ്ഥാനാര്ത്ഥിയെന്നാണ് കത്തിലുള്ളത്.ഡി.സി.സി ഭാരവാഹികള് ഐകകണ്ഠ്യേനയെടുത്ത തീരുമാനമാണ് ഇതെന്നും കത്തില് പറയുന്നു.രണ്ട് പേജുള്ള കത്തിന്റെ ഒരു ഭാഗമാണ് പുറത്ത് വന്നത്. കെ. മുരളീധരന്റെ സ്ഥാനാര്ഥിത്വം ബി.ജെ.പിയെ തോല്പ്പിക്കാന് ഗുണം ചെയ്യും എന്ന് കത്തില് പറയുന്നുണ്ട്.
ഒക്ടോബര് പത്തിനാണ് കത്ത് അയച്ചിരിക്കുന്നത്. എഐസിസി ജനറല് സെക്രട്ടറി കെ സി വേണുഗോപാല്, കേരളത്തിന്റെ ചുമതലയുള്ള ജനറല് സെക്രട്ടറി ദീപാദാസ് മുന്ഷി, കെപിസിസി അധ്യക്ഷന് കെ സുധാകരന്, പ്രതിപക്ഷ നേതാവ് വി ഡി സതീശന് എന്നിവര്ക്കാണ് ഡിസിസി പ്രസിഡന്റ് എ തങ്കപ്പന് കത്തയച്ചിരിക്കുന്നത്.
