തലശ്ശേരി: കണ്ണൂര് ജില്ലാപഞ്ചായത്ത് മുന് പ്രസിഡന്റ് പി.പി. ദിവ്യയുടെ മുന്കൂര് ജാമ്യാപേക്ഷയില് സെഷന്സ് കോടതി ഇന്ന് വിധി പറയും. അഡീഷണല് ജില്ലാ മജിസ്ട്രേട്ട് കെ. നവീന് ബാബുവിന്റെ മരണത്തില് ആത്മഹത്യാ പ്രേരണക്കുറ്റം ചുമത്തിയതോടെയാണ് ദിവ്യ മുന്കൂര് ജാമ്യാപേക്ഷ നല്കിയത്.
വിധി ദിവ്യയ്ക്കും അന്വേഷണസംഘത്തിനും നിര്ണായകമാണ്. ജാമ്യാപേക്ഷ തള്ളുകയാണെങ്കില് അറസ്റ്റ് നടപടിയുമായി അന്വേഷണസംഘത്തിന് മുന്നോട്ട് പോകേണ്ടിവരും.സെഷന്സ് കോടതി ഉപാധികളോടെ ജാമ്യം നല്കുകയാണെങ്കില് അന്വേഷണസംഘത്തിന് മുന്പാകെ ഹാജാരാകേണ്ടി വരും.
അതേസമയം ,കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി പി ദിവ്യയ്ക്ക് മുന്കൂര് ജാമ്യം ലഭിക്കില്ലെന്ന പ്രതീക്ഷയില് എഡിഎം നവീന് ബാബുവിന്റെ കുടുംബം.
