ചണ്ഡീഗഢ്: പഞ്ചാബില് നിന്നുള്ള കര്ഷകരുടെ ഡല്ഹി ചലോ മാര്ച്ചിന് ഇന്ന് തുടക്കം. പഞ്ചാബ്-ഹരിയാന അതിര്ത്തിയായ ശംഭുവില് നിന്ന് 101 കര്ഷകര് കല്നടയായാണ് ഡല്ഹിയിലേക്ക് ജാഥ നടത്തുക. സംയുക്ത കിസാന് മോര്ച്ച, കിസാന് മസ്ദൂര് മോര്ച്ച എന്നീ സംഘടനകളുടെ നേതൃത്വത്തിലാണു ഡല്ഹിയിലേക്ക് ജാഥ നടത്തുന്നത്.
ഹരിയാണയിലെ അംബാല ജില്ലയില് നിരോധനാജ്ഞ പ്രഖ്യാപിച്ചു. ശംഭു അതിര്ത്തിയിലെ ദേശീയപാത 44-ല് സുരക്ഷ വര്ധിപ്പിച്ചിട്ടുമുണ്ട്. ഹരിയാന പോലീസും പഞ്ചാബ് പോലീസും കൂടുതല് ഉദ്യോഗസ്ഥരെ പ്രദേശത്ത് വിന്യസിച്ചിട്ടുണ്ട്.
വിളകളുടെ താങ്ങുവിലയ്ക്ക് നിയമപരമായ ഉറപ്പ്, വായ്പ എഴുതിത്തള്ളല്, കര്ഷകര്ക്കും കര്ഷകത്തൊഴിലാളികള്ക്കും പെന്ഷന്, ഭൂമി ഏറ്റെടുക്കല് നിയമം പുനഃസ്ഥാപിക്കണം, വൈദ്യുതി താരിഫ് വര്ധിപ്പിക്കരുത് തുടങ്ങിയ ആവശ്യങ്ങള് ഉന്നയിച്ചാണ് നൂറിലധികം കര്ഷകര് ഡല്ഹിയിലേക്ക് മാര്ച്ച് ചെയ്യാന് ഒരുങ്ങുന്നത്.
മാത്രമല്ല, 2021-ലെ ലഖിംപുര് ഖേരി സംഘര്ഷത്തിലെ ഇരകള്ക്ക് നീതിവേണമെന്നും 2020-21 കാലത്തെ കര്ഷകസമര കാലത്ത് ജീവന് നഷ്ടമായ കര്ഷകരുടെ കുുടുംബങ്ങള്ക്ക് നഷ്ടപരിഹാരം നല്കണമെന്നും ഇവര് ആവശ്യപ്പെടുന്നുണ്ട്.
