തിരുവനന്തപുരം: സംസ്ഥാനത്ത് മഴ കനക്കും. രണ്ടു ചക്രവാത ചുഴികള് രൂപപ്പെട്ടതിനാല് ബംഗാള് ഉള്ക്കടലില് ന്യൂനമര്ദ സാധ്യത നിലനില്ക്കുന്നുണ്ട്. തുടര്ന്നാണ് കേന്ദ്ര കാലാവസ്ഥാ വകുപ്പ് ഇന്നും നാളെയും യെല്ലോ അലര്ട് പ്രഖ്യാപിച്ചത്. ഇന്ന് എറണാകുളം, ഇടുക്കി, തൃശൂര്, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും നാളെ കേഴിക്കോട്, കണ്ണൂര്, കാസര്കോട് ജില്ലകളിലുമാണ് യെല്ലോ അലര്ട് പ്രഖ്യാപിച്ചിരിക്കുന്നത്. മഴ അടുത്ത ഒരാഴ്ച തുടരുമെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് കേരളത്തില് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കും.
കേരള – കര്ണാടക- ലക്ഷദ്വീപ് തീരങ്ങളില് ഇന്നും നാളെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥവകുപ്പ് അറിയിച്ചിട്ടുണ്ട്.
