ചെന്നൈ: കനത്ത മഴയെ തുടര്ന്ന് കൃഷ്ണഗിരി ഊത്താങ്കര സ്റ്റാന്ഡില് നിര്ത്തിയിട്ടിരുന്ന ബസുകള് ഒലിച്ചുപോയി. ജില്ലയില് കനത്ത മഴ തുടരുകയാണ്. മഴയില് പോച്ചമ്പള്ളി പൊലീസ് സ്റ്റേഷന് മുങ്ങി. 24 മണിക്കൂറിനിടെ 503 മില്ലിലിറ്റര് മഴയാണ് പെയ്തത്. റോഡുകളും താഴ്ന്ന പ്രദേശങ്ങളെല്ലാം വെള്ളത്തിനടിയിലാണ്.
കൃഷ്ണപുരിയില് രേഖപ്പെടുത്തിയ ഏറ്റവും ശക്തമായ മഴയാണ് ഇത്.നിര്ത്താതെ പെയ്യുന്ന മഴ കാരണം ഗതാഗത സേവനങ്ങളിലും കാര്യമായ തടസ്സങ്ങള് ഉണ്ടായിട്ടുണ്ട്.
കനത്ത മഴയില് തിരുവണ്ണാമലൈയിലുണ്ടായ ഉരുള്പൊട്ടലില് നിരവധി വീടുകള് മണ്ണിനടിയിലാവുകയും ഏഴുപേരെ കാണാതാവുകയും ചെയ്തു. ഞായറാഴ്ച വൈകുന്നേരമാണ് ഉരുള്പ്പൊട്ടലുണ്ടായത്.
ദേശീയ ദുരന്തനിവാരണ സേനയുടെ അന്പതംഗങ്ങളുടെ നേതൃത്വത്തില് രക്ഷാപ്രവര്ത്തനം പുരോഗമിക്കുകയാണ്.
