കൊച്ചി:ഹണി റോസിന്റെ പരാതിയിലെടുത്ത കേസില് ജാമ്യം ലഭിച്ചിട്ടും പുറത്തിറങ്ങുന്നത് വൈകിപ്പിച്ച ബോബി ചെമ്മണൂരിനെതിരെ രൂക്ഷപരാമര്ശങ്ങളുമായി ഹൈക്കോടതി.
നാടകം കളിക്കരുതെന്നും ജാമ്യം റദ്ദാക്കുമെന്നും ബോബി ചെമ്മണ്ണൂരിനോട് ഹൈകോടതി പറഞ്ഞു. ബോബി ചെമ്മണ്ണൂരിന്റെ അഭിഭാഷകനെ വിളിപ്പിച്ചാണ് കോടതി മുന്നറിയിപ്പ് നല്കിയത്. ജാമ്യം നല്കിയിട്ടും പുറത്തിറങ്ങാതിരുന്നതാണ് കോടതിയെ പ്രകോപിപ്പിച്ചത്.മറ്റ് പ്രതികള്ക്കുവേണ്ടി ജയിലില് തുടരുമെന്ന് പറയാന് ബോബി ചെമ്മണൂര് ആരാണെന്നും കോടതി ചോദിച്ചുആരും നിയമത്തിന് അ തീതരല്ലെന്നും കോടതി അഭിപ്രായപ്പെട്ടു.
ബോബി സൂപ്പര് കോടതി ചമയേണ്ട. തനിക്ക് മുകളില് ആരുമില്ലെന്ന് ബോബി കരുതേണ്ട. അത് കോടതി കാണിച്ചുതരാം. പുറത്തിറങ്ങാതെ ജയിലിലിട്ട് വിചാരണനടത്താനും കോടതിക്കറിയാമെന്നും ജസ്റ്റിസ് പി.വി. കുഞ്ഞികൃഷ്ണന് മുന്നറിയിപ്പ് നല്കി. ജാമ്യം ലഭിച്ചിട്ടും ബോബി എന്തിന് ജയിലില് തുടര്ന്നുവെന്ന് ഉച്ചയ്ക്ക് 12 മണിക്ക് മുന്പ് അറിയിക്കണമെന്നും കോടതി പ്രതിഭാഗം അഭിഭാഷകനോട് നിര്ദേശിച്ചിട്ടുണ്ട്.
