കൊച്ചി: ഹണി റോസ് നല്കിയ പരാതിയില് രാഹുല് ഈശ്വറിനെതിരെ പ്രതി ചേര്ത്തിട്ടില്ലെന്ന് പൊലീസ്. പരാതിയില് പൊലീസ് ഹൈക്കോടതിയില് നല്കിയ റിപ്പോര്ട്ടിലാണ് ഇക്കാര്യം അറിയിച്ചത്.
പൊലീസിന് കേസ് എടുക്കാന് ആകില്ലെന്നാണ് പ്രാഥമിക നിഗമനം. വിഷയത്തില് കൂടുതല് നിയമോപദേശം തേടും
ഹൈക്കോടതിയില് രാഹുല് നല്കിയ മുന്കൂര് ജാമ്യാപേക്ഷയില് കോടതി പൊലീസിനോട് റിപ്പോര്ട്ട് തേടിയിരുന്നു. ഇതിന്റെ അടിസ്ഥാനത്തിലാണ് റിപ്പോര്ട്ട് സമര്പ്പിച്ചത്. രാഹുലിനെതിരെ കേസെടുക്കണമോ എന്ന കാര്യത്തില് പ്രാഥമികാന്വേഷണം നടക്കുകയാണെന്നും റിപ്പോര്ട്ടില് പറയുന്നു.
സാമൂഹിക മാധ്യമങ്ങളിലൂടെയും ചാനല് ചര്ച്ചകളിലൂടെയും തന്നെ അധിക്ഷേപിച്ചുവെന്നായിരുന്നു ഹണി റോസിന്റെ പരാതി. കൂടാതെ തൃശൂര് സ്വദേശി സലിമും രാഹുലിനെതിരെ പരാതി നല്കിയിരുന്നു.
