തൃശൂര്: തൃശൂര് പൂരത്തിനിടെ ആംബുലന്സ് ദുരുപയോഗം ചെയ്തെന്ന പരാതിയില് കേന്ദ്രമന്ത്രി സുരേഷ് ഗോപിക്കെതിരെ അന്വേഷണം. സിപിഐ തൃശൂര് മണ്ഡലം സെക്രട്ടറി അഡ്വ.സുമേഷ് നല്കിയ പരാതിയില് തൃശൂര് സിറ്റി പൊലീസാണ് അന്വേഷണം ആരംഭിച്ചത്. സുമേഷിന്റെ മൊഴി ഇതിനകം രേഖപ്പെടുത്തിയിട്ടുണ്ട്.
മോട്ടോര് വാഹനവകുപ്പും സുരേഷ് ഗോപിക്കെതിരെ അന്വേഷണം നടത്തുന്നുണ്ട്. പൂരം നടക്കുന്നയിടത്തുണ്ടായ സംഘര്ഷത്തിലേക്ക് സുരേഷ് ഗോപി ആംബുലന്സില് എത്തിയ സംഭവത്തിലാണ് അന്വേഷണം.
തൃശൂര് പൂര സമയത്ത് സുരേഷ് ഗോപി തിരുവമ്പാടിയിലെത്തിയത് ആംബുലന്സിലായിരുന്നു. ഇതിന്റെ ദൃശ്യങ്ങള് വന്തോതില് സമൂഹമാധ്യമങ്ങളില് പ്രചരിച്ചിരുന്നു. ഇതില് നടപടിയെടുക്കണമെന്ന് സിപിഐയടക്കം ആവര്ത്തിച്ച് ആവശ്യപ്പെട്ടിരുന്നു.
