കോന്നി: തഹസില്ദാരുടെ ചുമതലയില് നിന്ന് ഒഴിവാക്കണമെന്നാവശ്യപ്പെട്ട് എ.ഡി.എം കെ. നവീന് ബാബുവിന്റെ ഭാര്യ മഞ്ജുഷ ജില്ല ഭരണകൂടത്തിന് അപേക്ഷ നല്കി. കൂടിയ ഉത്തരവാദിത്തങ്ങള് വഹിക്കാനുള്ള മാനസികാവസ്ഥയിലല്ലെന്ന് കാണിച്ചാണ് അപേക്ഷ നല്കിയത്. പത്തനംതിട്ട കലക്ടറേറ്റിലെ സീനിയര് സൂപ്രണ്ട് തസ്തികയിലേക്ക് മാറ്റിനല്കണമെന്നാണ് ആവശ്യം.
നിലവില് കോന്നി തഹസില്ദാരാണ് മഞ്ജുഷ. അവധി കഴിഞ്ഞ് ഡിസംബര് ആദ്യവാരം ജോലിയില് തിരികെ പ്രവേശിക്കേണ്ടതുമാണ്. ഈ സാഹചര്യത്തിലാണ് പദവി മാറ്റിത്തരണമെന്ന അപേക്ഷ മഞ്ജുഷ റവന്യൂവകുപ്പിന് നല്കിയിരിക്കുന്നത്.
മഞ്ജുഷയുടെ അപേക്ഷയില് റവന്യൂവകുപ്പ് അനുകൂലമായ തീരുമാനമെടുക്കുമെന്നാണ് പ്രതീക്ഷ. മാത്രമല്ല സര്വീസ് സംഘടനകള്ക്കും മഞ്ജുഷയുടെ താത്പര്യത്തിന് ഒപ്പം നില്ക്കമെന്ന അഭിപ്രായമാണ്.
