പാലക്കാട്: യാത്രയില്‍ എപ്പോഴും ബാഗുണ്ടാകുമെന്ന് പറഞ്ഞയാള്‍ ആ ബാഗ് ഇല്ലാത്ത മറ്റൊരു വണ്ടിയില്‍ കയറി. സ്വയം സംസാരിക്കുന്ന തെളിവുകള്‍ പുറത്ത് വന്നുവെന്ന് മന്ത്രി എം ബി രാജേഷ്.
പാലക്കാട്ടെ കെപിഎം റീജന്‍സിയില്‍ നിന്നുള്ള പുതിയ ദൃശ്യങ്ങള്‍ പുറത്തുവന്നതിന് പിന്നാലെ പ്രതികരിക്കുകയായിരുന്നു മന്ത്രി.
കോണ്‍ഗ്രസുകാര്‍ എന്തും ചെയ്യുന്നവരാണെന്നും എം ബി രാജേഷ് പറഞ്ഞു.കോണ്‍ഗ്രസിന്റേത് വ്യാജ കാര്‍ഡും വ്യാജ വാക്കുമാണെന്നും എം ബി രാജേഷ് പരിഹസിച്ചു.
വിഷയത്തില്‍ സതീശനും കുട്ടി സതീശനും വിശദീകരണം നല്‍കട്ടെയെന്നും മന്ത്രി പറഞ്ഞു.
പാലക്കാട്ടെ ഹോട്ടല്‍ കെപിഎം റീജന്‍സിയില്‍ നിന്നുള്ള പുതിയ ദൃശ്യങ്ങളായിരുന്നു പുറത്തുവന്നത്. ഹോട്ടലില്‍ നിന്ന് പുറത്തേയ്ക്കുവരുന്ന രാഹുലും ഫെനിയുമാണ് ദൃശ്യത്തിലുള്ളത്. ഫെനി ഹോട്ടലില്‍ നിന്ന് ഇറക്കിക്കൊണ്ടുവരുന്ന നീല ട്രോളി ബാഗും മറ്റൊരു ബാഗും വെള്ള ഇന്നോവ ക്രിസ്റ്റയില്‍വെയ്ക്കുന്നത് ദൃശ്യത്തിലുണ്ട്. ഈ സമയം രാഹുലും ഈ കാറിന് സമീപത്തേയ്ക്ക് വരുന്നുണ്ട്. അതിന് ശേഷം ഫെനി നൈനാന്‍ ഈ കാറില്‍ കയറിപ്പോകുകയാണ്. സമീപത്ത് നിര്‍ത്തിയിട്ട ഗ്രേ നിറത്തിലുള്ള കാറിലാണ് രാഹുല്‍ കയറുന്നത്. ഇതും വീഡിയോയിലുണ്ട്.
