ഇടുക്കി: കുട്ടിക്കാനത്തിന് സമീപം കാര് കൊക്കയിലേക്ക് മറിഞ്ഞ് ഒരാള് മരിച്ചു. കാഞ്ഞിരപ്പള്ളി ആനക്കല്ല് സ്വദേശി ഫൈസല് (27) ആണ് മരിച്ചത്. കാഞ്ഞിരപ്പള്ളിയില് നിന്നും പുതുവത്സരാഘോഷത്തിനായി എത്തിയ യുവാക്കളുടെ കാര് ആണ് അപകടത്തില്പ്പെട്ടത്.
വാഹനം നിര്ത്തി മറ്റുള്ളവര് പുറത്തിറങ്ങിയപ്പോള് ഫൈസല് കാറില് ഇരിക്കുകയായിരുന്നു. പിന്നാലെ, കാര് ഉരുണ്ടുനീങ്ങി കൊക്കയിലേക്ക് മറിഞ്ഞു.
ഫയര് ഫോഴ്സ്, പൊലീസ്, പോലീസിന്റെ ഹൈ ആള്ട്ടിറ്റിയൂഡ് റെസ്ക്യൂ ടീം, ഈരാറ്റുപേട്ടയില് നിന്നുള്ള സന്നദ്ധ സംഘടനകള് എന്നിവരുടെ സംയുക്തമായ തിരച്ചിലിന് ഒടുവിലാണ് 350 അടിയോളം താഴ്ചയില് നിന്നും യുവാവിന്റെ മൃതദേഹം കണ്ടെത്തിയത്.
