മലപ്പുറം: കാസര്കോട് മുതല് എറണാകുളം വരെ 45 മീറ്റര് വീതിയുള്ള ആറുവരി ദേശീയപാത 2025 ഡിസംബര് മാസത്തോടെ ഗതാഗതത്തിന് തുറന്നുകൊടുക്കുമെന്ന് മന്ത്രി പി.എ. മുഹമ്മദ് റിയാസ്. ദേശീയപാത 66 -ന്റെ ബാക്കി പ്രവൃത്തികള്കൂടി ഉടന് പൂര്ത്തിയാക്കുമെന്നും അദ്ദേഹം പറഞ്ഞു.
കേരളത്തിന്റെ ഗതാഗതക്കുരുക്കിന് പരിഹാരമാകുന്ന ഈ വലിയ പദ്ധതി 2026-ലെ പുതുവര്ഷ സമ്മാനമായി നാടിന് സമര്പ്പിക്കാനാകും.
മലപ്പുറം ജില്ലയിലെ രണ്ട് സ്ട്രച്ചുകളുടെയും നിര്മാണം അടുത്ത ഏപ്രിലോടെ പൂര്ത്തിയാകും. കോഴിക്കോട് ജില്ലയില് രാമനാട്ടുകര മുതല് വെങ്ങളം വരെയുള്ള സ്ട്രച്ചിന്റെ പ്രവൃത്തിയും ഇതോടൊപ്പം പൂര്ത്തിയാകുമെന്നും മന്ത്രി പറഞ്ഞു.
