തിരുവനന്തപുരം: എ.ഡി.എം നവീന് ബാബുവിന്റെ ആത്മഹത്യയില് പ്രതികരിച്ച് സി.പി.എം സംസ്ഥാന സെക്രട്ടറി എം.വി ഗോവിന്ദന്. സംഭവത്തില്കണ്ണൂര് ജില്ലാ പഞ്ചായത്ത് പ്രസിഡന്റ് പി.പി ദിവ്യയുടെ പരാമര്ശം ഒഴിവാക്കേണ്ടതായിരുന്നുവെന്ന് ഗോവിന്ദന് പറഞ്ഞു. വിഷയത്തില് കണ്ണൂര്, പത്തനംതിട്ട ജില്ലാ കമ്മിറ്റികള് നിലപാട് വ്യക്തമാക്കിയിട്ടുണ്ട്. എല്ലാ വശങ്ങളും പരിശോധിച്ച് ആവശ്യമായ നടപടി സ്വീകരിക്കുമെന്നും എം വി ഗോവിന്ദന് പറഞ്ഞു.
എ.ഡി.എം നവീന് ബാബുവിന്റെ മരണം ഉണ്ടാകാന് പാടില്ലാത്തതായിരുന്നു. വിഷയത്തില് ഒരു തരത്തിലുള്ള വിട്ടുവീഴ്ചയും ഉണ്ടാകില്ല. കൃത്യമായ നടപടിയുണ്ടാകുമെന്നും എം വി ഗോവിന്ദന് പറഞ്ഞു.
