കൊച്ചി: വയനാട് ഡിസിസി ട്രഷറന് എന്.എം വിജയന്റെ ആത്മഹത്യയില് ഐ.സി ബാലകൃഷ്ണന് എംഎല്എയുടെയും എന്.ഡി അപ്പച്ചന്റെയും അറസ്റ്റ് തടഞ്ഞ് കോടതി. 15-ാം തീയതി വരെ അറസ്റ്റ് പാടില്ലെന്ന് പൊലീസിന് വയനാട് പ്രിന്സിപ്പല് സെഷന്സ് കോടതി വാക്കാല് നിര്ദേശം നല്കി.
കേസ് ഡയറി ഈമാസം 15ന് ഹാജരാക്കാനും പൊലീസിനോട് കോടതി ആവശ്യപ്പെട്ടു. ഐ സി ബാലകൃഷ്ണനും എന് ഡി അപ്പച്ചനും ആണ് ജില്ലാ കോടതിയില് മുന്കൂര് ജാമ്യാപേക്ഷ നല്കിയിരുന്നത്.
ആത്മഹത്യാ പ്രേരണ കുറ്റം ചുമത്തപ്പെട്ട പ്രതികള്, പൊലീസ് പിടിയിലാകും മുമ്പ് ജാമ്യാപേക്ഷ കോടതിയില് സമര്പ്പിക്കാനുള്ള തയ്യാറെടുപ്പിലായിരുന്നു. വിജയന്റെ കത്തിന്റെ വെളിച്ചത്തിലാണ് പൊലീസ് കേസെടുത്തതെങ്കിലും കത്ത് വിജയന്റേതാണ് എന്ന് ഉറപ്പിക്കാന് പൊലീസിനായിട്ടില്ല.
