തിരുവനന്തപുരം: എന് പ്രശാന്ത് ഐഎഎസിന്റെ സസ്പെന്ഷന് കാലാവധി 120 ദിവസം കൂടി നീട്ടി സര്ക്കാര്. റിവ്യൂ കമ്മറ്റിയുടെ ശുപാര്ശ അനുസരിച്ചാണ് സസ്പെന്ഷന് നീട്ടിയിരിക്കുന്നത്. എന് പ്രശാന്ത് മറുപടി നല്കാത്തത് ഗുരുതര ചട്ടലംഘനമെന്നാണ് റിവ്യൂ കമ്മറ്റിയുടെ വിലയിരുത്തല്. ചീഫ് സെക്രട്ടറി നല്കിയ മെമ്മോക്കെതിരെ പ്രശാന്ത് തിരിച്ചു ചോദ്യങ്ങള് അയച്ചു പ്രതിഷേധിച്ചിരുന്നു.
സമൂഹമാധ്യമങ്ങളില് അഡീഷണല് ചീഫ് സെക്രട്ടറി ഡോ.എ.ജയതിലകിനെ നിരന്തരം അവഹേളിച്ചതിനാണ് പ്രശാന്തിനെ സസ്പെന്ഡ് ചെയ്തത്.
ഭരണസംവിധാനത്തിന്റെ പ്രതിച്ഛായ മോശമാക്കി, മേല് ഉദ്യോഗസ്ഥനെതിരെ അധിക്ഷേപകരമായ പരാമര്ശങ്ങള് നടത്തി തുടങ്ങിയവയാണ് കുറ്റങ്ങള്.
