ഡല്ഹി: വിദ്യാഭ്യാസ അവകാശ നിയമം നടപ്പാക്കാത്ത മദ്രസകള് പൂട്ടണമെന്ന ദേശീയ ബാലാവകാശ കമ്മീഷന്റെ (എന്സിപിസിആര്) ഉത്തരവ് സ്റ്റേ ചെയ്ത് സുപ്രീം കോടതി. എന്സിപിസിആറിന്റെ ഉത്തരവിനെതിരെ ജാമിയത്ത് ഉലമ-ഐ-ഹിന്ദ് സമര്പ്പിച്ച ഹര്ജിയിലാണ് ചീഫ് ജസ്റ്റിസ് ഡി വൈ ചന്ദ്രചൂഡ് ജസ്റ്റിസ് അടങ്ങുന്ന ബെഞ്ച് ഇടക്കാല ഉത്തരവ് പുറപ്പെടുവിച്ചത്.
കമ്മീഷന് ഉത്തരവ് അനുസരിച്ച് നടപടിയെടുക്കാനൊരുങ്ങിയ ഉത്തര്പ്രദേശ്, ത്രിപുര സര്ക്കാരുകളുടെ പ്രവര്ത്തികളെയും കോടതി തടഞ്ഞു.
ന്യൂനപക്ഷ മതവിഭാഗങ്ങള്ക്ക് സ്ഥാപനങ്ങള് നടത്തുന്നതിനും അവ പ്രവര്ത്തിപ്പിക്കുന്നതിനും ഭരണഘടന നല്കുന്ന ഉറപ്പിന്റെ ലംഘനമാണ് ദേശീയ ബാലാവകാശ കമ്മീഷന് നടപടി എന്ന് ജംഇയ്യത്ത് ഉലമ എ ഹിന്ദിന് വേണ്ടി ഹാജരായ അഭിഭാഷക ഇന്ദിര ജയ്സിംഗ് സുപ്രീം കോടതിയില് ചൂണ്ടിക്കാട്ടി.
ബാലാവകാശ കമ്മീഷന് വിവിധ സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ചീഫ് സെക്രട്ടറിമാര്ക്ക് അയച്ച കത്തില് തുടര്നടപടിയെടുക്കരുതെന്നും സുപ്രീം കോടതി നിര്ദേശിച്ചിട്ടുണ്ട്.
