ആലപ്പുഴ: നവജാത ശിശുവിന് ഗുരുതര വൈകല്യമുണ്ടായതില് നാല് ഡോക്ടര്മാര്ക്കെതിരെ കേസെടുത്തു. ആലപ്പുഴ കടപ്പുറം കുട്ടികളുടെയും സ്ത്രീകളുടെയും ആശുപത്രിയിലെ ഗൈനക്കോളജിസ്റ്റുമാരായ ഡോ. ഷേര്ലി, പുഷ്പ എന്നിവര്ക്കും സ്വകാര്യ ലാബിലെ രണ്ട് ഡോക്ടര്മാര്ക്കും എതിരെയാണ് കേസ്. ആലപ്പുഴ സൗത്ത് പൊലീസാണ് സംഭവത്തില് കേസെടുത്തിരിക്കുന്നത്.
ലജനത്ത് വാര്ഡ് സ്വദേശികളായ അനീഷ്-സുറുമി ദമ്പതികളുടെ കുഞ്ഞിനാണ് ഗുരുതര വൈകല്യമുള്ളത്. ഗര്ഭകാലത്തെ സ്കാനിങ്ങില് ഡോക്ടര്മാര് വൈകല്യം അറിയിച്ചില്ലെന്ന് കുഞ്ഞിന്റെ കുടുംബം ആരോപിച്ചു. പ്രസവത്തിന്റെയന്നാണ് ഡോക്ടര് ഇക്കാര്യത്തെക്കുറിച്ച് അനീഷിനോട് പറയുന്നത്. കുഞ്ഞിന്റെ ചെവിയും കണ്ണും ഉള്ളത് യഥാര്ഥ സ്ഥാനത്തല്ല. വായ തുറക്കുന്നില്ല.
മലര്ത്തികിടത്തിയാല് കുഞ്ഞിന്റെ നാവ് ഉള്ളിലേക്ക് പോകും, കാലിനും കൈക്കും വളവുണ്ട്. ഗര്ഭകാലത്ത് പലതവണ നടത്തിയ സ്കാനിങ്ങിലൊന്നും ഡോക്ടര്മാര് കുട്ടിയുടെ വൈകല്യം തിരിച്ചറിഞ്ഞിരുന്നില്ല.
സംഭവത്തില് കുട്ടിയുടെ കുടുംബം മുഖ്യമന്ത്രിക്ക് പരാതി നല്കിയിട്ടുണ്ട്. സംഭവത്തില് ആരോഗ്യ വിഭാഗം ഡയറക്ടര് ഡിഎംഒയോട് റിപ്പോര്ട്ട് തേടി.
