തുടര്‍ച്ചയായി എട്ട് ബജറ്റ് അവതരിപ്പിച്ച് ചരിത്രംകുറിച്ച് ധനമന്ത്രി നിര്‍മലാ സീതാരാമന്. 2019-ല്‍ രണ്ടാം മോദി മന്ത്രിസഭയിലാണ് ഇന്ത്യയുടെ ധനമന്ത്രിയായി നിര്‍മല ചുമതലയേല്‍ക്കുന്നത്. അന്നുമുതല്‍ 2024 ഫെബ്രുവരിയിലെ ഇടക്കാല ബജറ്റ് ഉള്‍പ്പെടെയുള്ള മുഴുവന്‍ ബജറ്റുകളും അവതരിപ്പിച്ചത് നിര്‍മലയായിരുന്നു.
തുടര്‍ച്ചയായ ബജറ്റ് അവതരണത്തില്‍ മാത്രമല്ല, ഏറ്റവും ദൈര്‍ഘ്യമേറിയ ബജറ്റ് പ്രസംഗത്തിനുള്ള റെക്കോഡും നിര്‍മലാ സീതാരാമന് സ്വന്തമാണ്.
ഇന്ത്യയുടെ ചരിത്രത്തില്‍ ഏറ്റവും കൂടുതല്‍ ബജറ്റുകള്‍ അവതരിപ്പിച്ചതിന്റെ റെക്കോഡ് മൊറാര്‍ജി ദേശായിക്കാണ്, പത്ത് ബജറ്റുകള്‍. അദ്ദേഹത്തിന്റെ ബജറ്റുകള്‍ തുടര്‍ച്ചയായി അവതരിപ്പിച്ചിരുന്നില്ല
