തിരുവനന്തപുരം: വാഴ്ത്തുപാട്ടു പാടി മുഖ്യമന്ത്രി പിണറായി വിജയനെ പരിഹസിച്ച് പി.സി വിഷ്ണുനാഥ്. സഭയിലാണ് പ്രതിപക്ഷ എംഎല്‍എയുടെ പരിഹാസം.
സഭയില്‍ ഗാനം ആലപിച്ച ശേഷം ‘വയലാര്‍ എഴുതുമോ ഇങ്ങനെയൊരു പാട്ട്’ എന്ന പരിഹാസ പ്രയോഗവും വിഷ്ണുനാഥ് നടത്തി
ആനുകൂല്യങ്ങള്‍ കിട്ടാതെയാണ് സെക്രട്ടറിയേറ്റ് ജീവനക്കാര്‍ പാട്ട് പാടിയതെന്നും പിസി വിഷ്ണുനാഥ് പറഞ്ഞു. ശമ്പള പരിഷ്‌കരണ കുടിശ്ശിക ഇതുവരെ കൊടുത്തിട്ടില്ല. ആയിരം രൂപ പോലും ശമ്പളം ഇല്ലാത്ത പാവപ്പെട്ട ജീവനക്കാരാണ് സെക്രട്ടറിയേറ്റ് സൗത്ത് ഗേറ്റിനു മുമ്പില്‍ സമരം ചെയ്യുന്നത്. പാട്ടുപാടി കഴിഞ്ഞ് വേദിക്ക് പുറകില്‍ പോയി കരയുകയായിരുന്നു ജീവനക്കാരെന്നും വിഷ്ണുനാഥ് പറഞ്ഞു.
