കണ്ണൂര്: എഡിഎം നവീന് ബാബുവിന്റെ മരണത്തില് ദുഃഖമുണ്ടെന്ന് ജയില് മോചിതയായ പിപി ദിവ്യ.തന്റെ നിരപരാധിത്വം തെളിയിക്കുമെന്നും സദുദ്ദേശപരമായിരുന്നു ഇടപെടലെന്നും പിപി ദിവ്യ പറഞ്ഞു.
ജയിലില് നിന്നും പുറത്തിറങ്ങിയ ശേഷമായിരുന്നു പ്രതികരണം . 11 ദിവസത്തെ ജയില് വാസത്തിന് ശേഷമാണ് പിപി ദിവ്യ ജയില് മോചിതയാവുന്നത്.
കോടതിയില് തന്റെ നിരപരാധിത്വം തെളിയിക്കും. എഡിഎമ്മിന്റെ മരണത്തില് കൃത്യമായ അന്വേഷണം നടക്കണമെന്നും എഡിഎമ്മിന്റെ കുടുംബത്തെ പോലെ തന്റേയും ആഗ്രഹം സത്യംതെളിയണമെന്നാണെന്നും പിപി ദിവ്യ മാധ്യമങ്ങളോട് പറഞ്ഞു. മാധ്യമങ്ങളുടെ മറ്റു ചോദ്യങ്ങളോട് ദിവ്യ പ്രതികരിച്ചില്ല.
ജയിലില് നിന്ന് പുറത്തിറങ്ങിയതോടെ ദിവ്യ വീട്ടിലേക്ക് മടങ്ങി.
