കല്പ്പറ്റ : തെരഞ്ഞെടുപ്പ് പ്രചാരണത്തിന് തുടക്കം കുറിക്കാന് പ്രിയങ്ക ഗാന്ധി ഇന്ന് വയനാട്ടില് എത്തും. രാഹുല് ഗാന്ധിക്കൊപ്പം വൈകീട്ടോടെ പ്രിയങ്ക വയനാട് മണ്ഡലത്തിലെത്തും. മൈസൂരില് നിന്ന് റോഡ് മാര്ഗമാണ് ഇരുവരും ബത്തേരിയില് എത്തുക. പ്രിയങ്ക ഗാന്ധി നാമനിര്ദ്ദേശ പത്രിക സമര്പ്പിക്കുന്ന നാളെ സോണിയ ഗാന്ധിയും കോണ്ഗ്രസ് അധ്യക്ഷന് മല്ലികാര്ജുന് ഖര്ഗയും എത്തും.
റോഡ്ഷോയോടെയാവും പ്രിയങ്കയുടെ പത്രികാസമര്പ്പണം. പരമാവധി പ്രവര്ത്തകരെ സംഘടിപ്പിച്ച് നാളത്തെ റോഡ് ഷോ വന്വിജയമാകാനുള്ള ഒരുക്കത്തിലാണ് കോണ്ഗ്രസ്.
അതേസമയം, പ്രിയങ്കഗാന്ധിയുടെ മല്സരത്തിന്റെ പേരു പറഞ്ഞ് നേതാക്കള് കൂട്ടത്തോടെ ചുരം കയറാതിരിക്കാന് കോണ്ഗ്രസിന്റെ മുന്നൊരുക്കം. ചേലക്കരയിലും പാലക്കാടും തിരഞ്ഞെടുപ്പ് ചുമതലയുളള നേതാക്കള് അനാവശ്യമായി വയനാടിന് വണ്ടി കയറരുതെന്ന് കെപിസിസി കര്ശന നിര്ദേശം നല്കി. പാലക്കാട്ടെയും ചേലക്കരയിലെയും തെരഞ്ഞെടുപ്പ് നിരീക്ഷണത്തിന് മുതിര്ന്ന നേതാക്കളെ ചുമതലപ്പെടുത്തി.
