തിരുവനന്തപുരം: തിരഞ്ഞെടുപ്പില് വിജയിച്ച യു ആര് പ്രദീപും രാഹുല് മാങ്കൂട്ടത്തിലും എംഎല്എമാരായി സത്യപ്രതിജ്ഞ ചെയ്തു. നിയമസഭാ മന്ദിരത്തിലെ ശങ്കരനാരായണന് തമ്പി ഹാളിലാണ് സത്യപ്രതിജ്ഞ ചടങ്ങുകള് നടന്നത്.
മുന് എംഎല്എ യുആര് പ്രദീപ് ചേലക്കര എംഎല്എയായും യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തില് പാലക്കാട് എംഎല്എയുമായാണ് സത്യപ്രതിജ്ഞ ചെയ്തത്. യു ആര് പ്രദീപ് സഗൗരവവും രാഹുല് മാങ്കൂട്ടത്തില് ദൈവ നാമത്തിലുമാണ് സത്യപ്രതിജ്ഞ ചെയ്തത്.
മുഖ്യമന്ത്രി പിണറായി വിജയന്, പ്രതിപക്ഷ നേതാവ് വി ഡി സതീശന് എന്നിവര് ചടങ്ങില് പങ്കെടുത്തു. രാഹുലിന്റേയും പ്രദീപിന്റേയും കുടുംബവും ചടങ്ങില് പങ്കെടുത്തു.
